دراجه قبل التعديل وبعده

السلام عليكم ...

هاي دراجتي قبل التعديل






بعد التعديل طبعا الدراجه مرسومه بالكامل بالاير برش ديزاين الجوكر ....والتصميم من فكره صاحب الموقع وفكرتي ..طبعا في اشياء طالبنها من امريكا بعدها ما وصلت مثل الفات تير كت ....تطويله طولها 25 انش والرنكات تفصيل وبعد ديزاين الاسينر اللي هو المراوح وعندنا الهيدروليك بعد ؟؟؟والدراجه عليها اكسوارات كامله ...يعني بالمختصر ما في شي يتغير الا وغيرته ....وان شاء الله بوافيكم باخر الاخبار ............واذا في حد حاب يطلب لدراجه اي قطعه من امريكا انا حاضر وما عليه الا يخبرني وتسلمون

ماشاءالله الظاهر انك اشتغلت عدل على الدراجه .. يعطيك العافية
انا كنت مفكر هاي الاشياء موجودة في امريكا و بريطانيا بس .. لكن كفو عليكم و الله
انزين هل هم وايدين اللي يشتغلون هذا الشغل ؟؟ انا سمعت عن واحد لكن قالولي انه غالي
شو رايك

قلب الاسد كتب:

ماشاءالله الظاهر انك اشتغلت عدل على الدراجه .. يعطيك العافية
انا كنت مفكر هاي الاشياء موجودة في امريكا و بريطانيا بس .. لكن كفو عليكم و الله
انزين هل هم وايدين اللي يشتغلون هذا الشغل ؟؟ انا سمعت عن واحد لكن قالولي انه غالي
شو رايك

والله انا بقولك كيف زز شي كذا واحد في دبي و ابوظبي .. لكن الشغل يختلف بين واحد و الثاني زز و الاسعار بعد
لكن الكراج اللي سوينا فيه الدراجة اسعاره حلوة .. انت عزم و بنوديك الريال ما بيقصر

الغالي هو يعتمد بعد يعني مثلا اذا بتطلب دراجه من برع جاهزه بتكلفك وايد لانه الريال بيحسب عليك كل شي حتى الوقت اللي يلس يشتغل ع الدراجه فيه بيحسبه عليك لكن اذا انته روحك تسوي بيطلع عليك اقل ...واي استفسار حاضرين